November 14, 2018

September 12, 2018

August 21, 2018

July 29, 2018

Please reload

Artikulo Resiente

Remedi pa garganta irita

 

Kontrali di loke medianan tin tendesia di bisa, eksperensha un verkoud periodikamente por ta bastante bon pa juda bo salu.

 

E virusnan ku ta kousa e famoso verkoud o grip ta infekta praktikamente e selulanan swak den bo kurpa, kual bo ta desea di desasi di nan i remplasanan pa selulanan salu. Selnan ku ja kaba ta jena ku produktonan malu i toksiko ta mas probabel pa permiti virus infektanan. Pues si bo mire bon un verkoud of grip ta permiti bo kurpa di desasi di e selnan bieu i daña kual den ausensia di un virus lo ta muchu mas difisil pa indentifika, distrui i elimina. Di e manera aki pues bo mester por sa un remedi natural pa un garganta dolori ku ta bini mayoria biaha kompaña ku e verkoud o grip.

 

Si, sinti manera bo tin glas kibra den bo garganta ta raspa tur kaminda por wordu remedia mayoria biaha sin remedinan analgesiko di dokter. Tin bia ku solamente gorg bo garaganta ku awa ku salu por alivia e dolo di garganta.

 

Pero den kaso ku bo mester di algu muchu mas fuerte bo por purba e kombinashon di cayenne pepper i juice di orange. Djis brua mas o menos 1/8 pa 1/4 kuchara di te di cayenne pepper huntu ku pulpa di orange juice. Bebe esaki ku un pipa i lo nota alivio di dolo di garaganta kasi mesora.

 

Paga bon tinu pa no usa mas ku 1/8 pa 1/4 kuchara di te di cayenne pepper pa kada 8 ounce di orange juice, ja komo cayenne pepper ta un speserij na puiru konsentra hopi haltu i por hasi e garganta mas grave di loke e ta si tuma un kantidat dimas. E alerta aki ta speshal pa esnan ku ta sufri di malestar di stoma manera gastroesophageal reflux disease (GERD), ulsera na stoma of kualke otro malesa ku garganta.

 

Cayenne pepper huntu ku pulpa di orange juice ta bebe mas fasil dor di un pipa ja komo ku no tin nodi ekspone e lenga i boka na e ingredientenan aktivo di cayenne pepper. Djis tuma e kombinashon di e dos ingredientenan aki direktamente na bo garaganta pero poko poko ja asina bo ta permiti e remedi natural aki di hasi su trabou.  Ripiti esaki kada 2 pa 3 ora te ora bo garganta ta liber di dolo.  

 

E idea ta pa hiba e ingredientenan aktivo di e cayenne pepper na e virus ku a logra penetra su mes den e partinan patras di bo garganta. Virusnan ku ta kousa verkoud of grip hopi bia ta afekta bo garganta prome ku plama i sigui afekta sobra di bo kurpa. Pa esnan ku tin nan amandelnan ahinda esakinan te prome organonan ku lo wordu afekta pa e virus, konsiderando pues ku nan ta e prome liña di defensa ku bo kurpa tin kontra e virus den aire.

 

Dependiendo kon lihe bo hasi uso di e remedi natural aki pa bo garganta, bo por evita tin ku haña henter e suseso di bira malu. Pero den kaso ku tog bo haña verkoud of grip sikiera lo bo pasa esaki sin dolo di garganta. No lubida di drumi hopi, bebe hopi awa, i bebidanan saludabel  manera; te, juice 100% ets. Pero tambe perkura pa bo vitamina D ta optimal i korda ku bo kurpa ta bringando e virus i selnan malu pa desasi di nan. Y no lubida di supla bo nanishi lo mas ku por si e ta kore; esaki ta yuda bo kurpa di desasi di e virus ku e ta bringando.

 

Nos ke pa bo tuma bon nota pa porfabor no pasa e kantidat limita pa ku cayenne pepper ja ku esaki lo no ta bon pa bo garganta ja afekta ku un virus. Esaki solamente lo trese mas komplikashon den e proseso. Sigui e instrukshonan korekto i benefisia lihe di e remedi natural aki.  

 

Pa mucha por hasi uso di menos cayenne pepper, I pa esnan ku ta sufri di kimamentu di stoma, prome ku bebe e remedi kome pida pan, batata herebe, bakoba of algu ja pa e stoma no ta bashi. E lo yuda protéga e stoma di irita of reakshona i manda e kombinashon di cayenne pepper i juice di orange bek pafo.

 

Nos ta desea pa bo komparti e informashon aki ku konosi nan i famia. I no lubida di korda nan ku uso dimas di cayenne pepper riba un garganta ja infekta no ta saludabel. E remedi natural aki ta asina fasil pa traha i hopi abou den kosto kompara ku remedi di botika.

Share on Facebook
Please reload

Mas Artikulo
Please reload

Kontakto
Adres
Telefon
  • White Facebook Icon
  • White MySpace Icon

© 2019 Bienestar i Salu di Korsou. Proudly created by  YES. Media

Tel +5999 565 7036

bienestarisaludikorsou@gmail.com

Sta Rosaweg z/n

Willemstad, Curacao